Илыш
интернет деч посна

Сардаял калыкын EDGE интернет дене кузе илымыже

Ялыштына проблеме шуко уло. Ик эн тӱҥжылан интернет укем шотлена. Тыге чучеш, пуйто ме акрет годсо илышыште улына. Эсогыл игечым ончен она керт. А веб-программирований дене курсым эрташлан пошкудо ялыш каяш логале, молан манаш гын, школышто сигнал уке ыле. Южгунам сай кином ончымо але моло кундемласе рвезе-влак дене онлайн-модыш дене модмо, у еҥ-влак дене палыме лийме але книгам лудмо шуэш. А теве Сардаялыште 3G кӱрылтде ышташ тӱҥалеш гын, рвезе влакын илышышт вестӱрлемме нерген историй-влак.

Саша Фёдоровлан киберспорт келша. Тудо CS:GO дене ик ий модеш, «Navi» команде верч шога. Саша пошкудо Нуса, Кугу Карлыган, Пушеҥер да Арбор ялласе тунемше-влак коклаште таҥасымашлам эртараш шона. Ончыкыжым киберспортсмен лияш да S1imple деч начар огыл модаш шона.

До

После

Оля Будённая икмыняр йылмым пала: марий, руш да англичан. Тудо англичан йылме дене районный олимпиаде ден онлайн конкурслаште, мутлан, «British Buldog- ышто», ончыл верлам налеш. Оля ангичан да моло йот йылмылам келгынрак тунемнеже да шке ончыкылык пашажымат тидденак кылдынеже. Ялыште тудлан полшен кертше туныктышо уке, сандене ик йöн веле – онлайн йылмылам тунемаш. Тидлан шуко программе уло, интернет гына лийже.

Дима Михайловын Майнкрафт анимаций нерген Youtube каналже уло. Кызытеш тушко 15 еҥ возалтын. Проектым чараш логале, молан манаш гын, видеом рендеритлаш да YouTube колтен шогаш огеш лий. Да эше тудо сайтым ыштынеже да анимаций тӱня гыч у увер-влакым вераҥдынеже.

До

После