Сардаялна Татарий воктене верланен. Мӱндырнак огыл удмурт, татар да руш ял-влак верланеныт.

10 топ пункт ялыште мом ышташ лиеш:

• • Шудо солымо годым агытан муро дене кынелаш
• • Чылашт дене пырля шудым солаш
• • Олык ден чодыра саска-влакым: шоптырым, мöрым, снегым, эҥыжым - шер теммеш кочкаш
• • Кӱтӱчö лияш: шорыкым кӱтылаш да нуным йомдарен пытараш огыл
• • Тӱвыра пöртыштö марий муро-влакым колышташ
• • Рвезырак да моторрак лияшлан коремыште канде шуным погаш
• • Верысе мӱйым тамлен ончаш
• • Шудо-влакын могай пайдам кондымыштым шымлаш
• • Ялысе мончаште мушкылташ
• • Яндар памаш вӱдым йӱаш

А эше эҥер ден памашлашке экскурсийыш наҥгаена. Коремлаште осал вий ила, тудо аҥыртара. Туштак айдеме гай койшо Овда ила, тудо карген кертеш. А памашласе вӱд вийым пуа. Тушто йӱштылыт веле огыл, вургемымат шӱялтат. Ял йыр 7 шнуй ото верланен. Тушко айда-лийже пураш она темле, уке гын пӱртӱс сыра. А теве мемнан религийна да молитва нерген пален налаш нимо йöсыжат уке. Телым тыште уло мом ышташ: верна курыкан, мунчалташ йöршыжат шуко. Пеленда терым, ечым, але волакым налза, тыланда эн шучко курыклам ончыктат. А кумылда уло гын,19 майыште «Келшымаш тулотым» эртарена, кушто мемнан да Нуса ялысе тунемше ден туныктышо-влак концертым шындат, футбол дене модыт да кугу-у тулотым ылыжтат.